Rrëzimi i dronit, Hezbollah reagon

Sipas një anëtari të këshillit qendror të Hezbollahut libanez, Irani ka marrë iniciativën në zgjidhjen e krizave në rajon.

Falë politikave të tij, Irani është bërë një vend i aftë për të ndryshuar situatën ndërkombëtare në avantazhin e tij. Anëtari i Këshillit Qendror të Hezbollahut Libanez Hasan Bagdadi tha se ishte i befasuar nga qëndrimi rigoroz i udhëheqësve të RII ndaj armiqësisë së Shteteve të Bashkuara. "Urtësia dhe guximi i autoriteteve të RII, në veçanti të Ajetollah Khameneit, ndryshoi ekuilibrin e pushtetit dhe tronditi botën," tha Hasan Bagdadi. "Irani po merr iniciativën për të zgjidhur krizat në rajon", tha zyrtari i Hezbollahut, cituar nga faqja informative Al-Ahed. "Udhëheqësit amerikanë kanë ardhur në përfundimin se është e pamundur të përmbysësh Republikën Islamike përmes sanksioneve", shtoi ai. "Disfata në të cilën janë zhytur Shtetet e Bashkuara dhe aleatët e tyre është një tregues i qartë i pozicionit të tyre të përkeqësuar, i cili është përkeqësuar më tej pas shkatërrimit të donit të tyre nga ana e Gardës së Revolucionit Islamik", theksoi ky zyrtar i Hezbollahut libanez. "Irani i ka treguar botës se Shtetet e Bashkuara janë vetëm një tigër letre", tha Bagdadi duke shtuar: "Kjo është arsyeja pse vendimi që do merret është mëse i qartë: as luftë, as negociata nëse Shtetet e Bashkuara nuk rishikojnë vendimet e tyre të gabuara. Ata duhet të heqin dorë nga politikat e tyre tiranike. Bota ka ndryshuar. "