Gjiri Persik, plani ruso-iranian për paqen

Muhamed Xhavad Zarif, Ministri i Jashtëm i Iranit dhe homologu i tij rus Sergei Lavrov, kanë zhvilluar një dialog për marrëdhëniet dypalëshe, mbi marrëveshjen bërthamore dhe çështjet rajonale dhe ndërkombëtare.

"Për dallim nga Shtetet e Bashkuara, Irani dhe Rusia po punojnë për të vendosur paqen dhe stabilitetin në rajon. Planet e propozuara për këtë qëllim nga Teherani dhe Moska janë konkrete", tha Zarif. "Teherani dhe Moska aktualisht kanë marrëdhëniet më të mira në historinë e tyre," deklaroi ministri iranian, sipas të cilit këto marrëdhënie janë me rëndësi strategjike për këto dy vende të rëndësishme të rajonit. "Marrëdhëniet do të vazhdojnë të thellohen me fqinjin rus, një fuqi ndërkombëtare, në përputhje me vullnetin e zyrtarëve të RII", tha ministri Zarif. "Për dallim nga ata që i fryjnë zjarrit të luftës, Irani dhe Rusia kanë paraqitur secili një propozim të rëndësishëm pothuajse identik për të sjellë paqen dhe stabilitetin në rajon," tha kreu i Diplomacisë iraniane. "Dialogu rus në Gjirin Persik dhe iniciativa e paqes në Hormuz janë pjesë e një politike të tillë," tha Zarif. "Manovrat e përbashkëta nga Irani, Rusia dhe Kina janë një dëshmi e partneritetit tonë për paqen në rajon," shtoi ai. "Për dallim nga Shtetet e Bashkuara, të cilat kanë shkelur angazhimet e tyre ndërkombëtare, Irani dhe Rusia theksojnë respektimin e angazhimeve të tyre ndaj marrëveshjes bërthamore. Falënderojmë Rusinë për pikëpamjet e saj pozitive në këtë drejtim", tha Zarif. "Shtetet e Bashkuara, mijëra milje larg kufijve të tyre, e kanë zhytur Irakun dhe Sirinë në gjak nën pretekstin e mbrojtjes së interesave të tyre. Incidenti i fundit në Bagdad, kryeqyteti irakian, është një shembull i veprimeve amerikane në rajon, " tha kreu i Diplomacisë iraniane. "Bashkëpunimi i Iranit dhe Rusisë në kuadër të samitit të Astanasë është një shembull i suksesshëm i bashkëpunimit të tyre për të rikthyer paqen në Siri., "konkludoi Zarif. Ministri i Jashtëm rus, Sergei Lavrov e përshkroi vizitën e homologut të tij iranian në Moskë si të rëndësishme. “Ne ndajmë të njëjtat pikëpamje për shumicën e çështjeve rajonale dhe ndërkombëtare. Iniciativat pacifiste midis dy vendeve dëshmojnë për këtë, "theksoi ai. “Tërheqja e njëanshme e Shteteve të Bashkuara nga marrëveshja bërthamore është e paligjshme dhe në kundërshtim me rezolutën 2231 të Këshillit të Sigurimit të Kombeve të Bashkuara. Të gjithë duhet të punojmë për të ruajtur këtë marrëveshje ", tha Ministri Rus për Punët e Jashtme. Lavrov tha se Rusia kishte propozuar iniciativën për dialog në Gjirin Persik dhe Irani ka propozuar Nismën për Paqe në Hormuz dhe shtoi:" Të dy iniciativat kanë për qëllim paqen dhe stabilitetin e rajonit". Në planin rus të paqes në Gjirin Persik thuhet: "Në situatën aktuale, është i nevojshëm një veprim efektiv dhe i fortë në nivelin rajonal dhe ndërkombëtar për të përmirësuar rrethanat dhe stabilitetin në Gjirin Persik dhe për të kapërcyer krizën e tejzgjatur në rajon."  Marrëdhëniet bilaterale, çështjet rajonale përfshirë situatën në Gjirin Persik, Siri, Afganistan ishin në axhendën e takimit Zarif-Lavrov. Sipas raportimeve, Zarif pritet këtë të hënë të shkojë në Kinë. "Pas vizitës së tij në Rusi, Ministri i Jashtëm iranian do të vizitojë Kinën të hënën, 30 dhjetor," tha zëdhënësi i Ministrisë së Jashtme kineze, Hua Chunying. "Vizita do të kryhet me ftesë të Ministrit të Jashtëm kinez Wang Yi", thuhet në këtë raport.