Rritet numri i të infektuarve me Covid-19 në botë

Numri i të infektuarve me COVID-19 në të gjithë botën ka arritur në 29 milion 724 mijë e 117 njerëz. Shtetet e Bashkuara mbeten vendi me më shumë infeksione, më tepër se 6.7 milion raste.

India ia ka kaluar Brazilit, duke zënë vendin e dytë me 5 milion. Infeksionet në shtetin më të madh të Indisë, Maharashtra, që përfshin kryeqytetin financiar të vendit, Mumbai, arritën në mbi 1 milion, duke frenuar përpjekjet e vendit për të ringjallur ekonominë. Brazili ka të paktën 4 milion raste. Një artikull në revistën New England Journal of Medicine arrin në përfundimin se përdorimi i maskës nga të gjithë “mund të ndihmojë në zvogëlimin e fuqisë së sëmundjes dhe të bëjë që një pjesë më e madhe e infektimeve të reja të jenë pa simptoma”.