Vështirësohet dhënia e azilit, emigrantëve të paligjshëm në Mbretërinë e Bashkuar

Qeveria Britanike ka bërë ndryshime në sistemin e saj të emigracionit që e kanë bërë më të vështirë për azilkërkuesit të hyjnë në këtë vend në mënyrë të paligjshme.

Sipas ligjit të ri, njerëzit që hyjnë ilegalisht në Mbretërinë e Bashkuar nuk do të kenë të njëjtat të drejta me ata që kanë hyrë legalisht në MB, tha të mërkurën sekretari i brendshëm Pretty Patel. Ai tha se mënyra për të parandaluar vdekjen e refugjatëve është parandalimi i trafikimit të qenieve njerëzore, duke pretenduar se masat e reja të qeverisë së Londrës kanë krijuar një mënyrë të sigurt dhe ligjore për të emigruar në këtë vend. "Kështu, nëse keni hyrë në Mbretërinë e Bashkuar në mënyrë të paligjshme përmes një vendi të sigurt ku mund të aplikoni për azil, në fakt nuk jeni refugjatë për t'i shpëtuar një rreziku të menjëhershëm, por keni zgjedhur Mbretërinë e Bashkuar si destinacionin tuaj."  Ai u referohet njerëzve të zhvendosur që morën rrugën e rrezikshme të kalimit të kanalit anglez me anije nga Franca, për të arritur në Britani. Sidoqoftë, hyrja e vazhdueshme e emigrantëve të paligjshëm dhe mungesa e bashkëpunimit nga qeveria e Parisit për të parandaluar kalimin e emigrantëve përmes kanalit anglez u bë diskutim  tensioni në marrëdhëniet midis dy vendeve. Patel tha javën e kaluar se sipas sistemit të ri të emigracionit britanik, refugjatët që hyjnë ilegalisht në MB do të transferohen në vende të tilla si Turqia, Ishulli Men ose Gjibraltar për të sqaruar rastin e tyre. Ai pretendoi se kishte biseduar me zyrtarët e vendeve të përmendura dhe kishte arritur marrëveshjen fillestare më ata.  Por disa orë pasi doli lajmi, qeveria e Gjibraltarit reagoi ndaj pretendimit të Sekretarit të Brendshëm Britanik, duke e quajtur atë një spekulim të pabazë nga qeveria e Londrës. Turqia dhe ishulli "Men" treguan reagime të ngjashme. Ndërkohë shoqëritë bamirëse, e kanë quajtur masën britanike si "çnjerëzore" dhe ekspertët kanë paralajmëruar probleme ligjore.  Ekspertët ligjorë thonë se plani i emigracionit i administratës Johnson është shkelje e detyrimeve të Londrës sipas Konventës së Emigracionit. Partia Britanike e Punës ka theksuar gjithashtu se ndryshimi i sistemit të emigracionit nuk do të ndihmojë në përmirësimin e hyrjes ilegale të emigrantëve të paligjshëm. Raportet tregojnë se mbi 35,099 kërkesa për azil janë dorëzuar në Ministrinë e Brendshme Britanike gjatë vitit të kaluar. Shumica e refugjatëve ishin kryesisht nga Iraku dhe Shqipëria. Aktivistët e të drejtave të njeriut, ndërkohë, krahasuan goditjen e emigracionit të Sekretarit të Brendshëm Britanik me politikat e ish-presidentit të SHBA dhe paralajmëruan për një përsëritje të fatit të Donald Trump.  Gjatë katër viteve në detyrë, Trump ndoqi politikat të ashpra ndaj emigracionit kundër vendeve myslimane në përgjithësi.