Rusia përdor avionin Sukhoi Su-57 Felon në Ukrainë

Sukhoi Su-57 Felon, avioni më i ri luftarak i Forcave Ajrore Ruse, është përdorur për të sulmuar objektivat në Ukrainë, pretendojnë mediat shtetërore ruse në një raport.

Sipas një burimi anonim të Ministrisë ruse të Mbrojtjes i intervistuar nga agjencia shtetërore e lajmeve TASS, avioni Su-57 Felon ishte i përfshirë në luftë për pjesën më të madhe të kohëzgjatjes së saj. “Përdorimi i avionit Su-57 në Ukrainë filloi dy deri në tre javë pas fillimit të operacionit special rus në Ukrainë. Avionët punojnë jashtë zonës së veprimit të mbrojtjes ajrore të armikut. Këta avionë përdorin raketa me rreze të gjatë veprimi”, tha burimi për agjencinë e lajmeve TASS. TASS thotë se pretendimet nuk janë verifikuar në mënyrë të pavarur. Nuk ka pasur asnjë deklaratë zyrtare nga ushtria apo autoritetet ruse për këtë informacion.