Kina sanksionon 7 zyrtarë tajvanezë

Pekini ka vendosur shtatë zyrtarë tajvanezë në listën e sanksioneve për mbështetjen e separatizmit të Tajvanit, raportojnë mediat lokale kineze.

Raundi i ri i tensioneve midis Tajvanit dhe Kinës u rrit pas vizitës së fundit të kryetares së Dhomës së Përfaqësuesve të SHBA, Nancy Pelosi në Taipei, pavarësisht paralajmërimeve të njëpasnjëshme dhe serioze të Kinës. Sipas Xinhua, mediat lokale kineze shkruan të martën: Sanksionet ndaj këtyre shtatë zyrtarëve tajvanezë do të ndodhin pas vizitës së Nancy Pelosi në Taipei në fillim të këtij muaji. Një lëvizje që Kina thotë se ka dërguar sinjalin e gabuar për forcat separatiste në Tajvan.Tajvani, megjithatë, hedh poshtë pretendimin e Kinës për sovranitet. Agjencia shtetërore e lajmeve kineze - Xinhua raportoi sot se ambasadori de fakto i Tajvanit në Uashington dhe sekretari i përgjithshëm i Këshillit të Sigurisë Kombëtare të Tajvanit janë mes personave të sanksionuar nga Zyra e Çështjeve të Tajvanit të Kinës. Politikanët nga Partia Demokratike Progresive në pushtet në Tajvan janë gjithashtu në shënjestër të sanksioneve të Kinës.Të sanksionuarve u ndalohet të udhëtojnë në Kinë, Hong Kong dhe Macau, tha një zëdhënës i Zyrës së Çështjeve të Tajvanit. Gjithashtu, kompanitë dhe investitorët e lidhur me to nuk lejohen të përdorin privilegje ekonomike në Kinë. Përveç kryeministrit të Tajvanit, ministrit të Jashtëm dhe kryetarit të parlamentit të këtij ishulli vetëqeverisës, këta shtatë persona ishin më parë në shënjestër të Kinës.