Zyrtari i BE-së: Ne i përmbahemi politikës "Një Kinë".

Një zyrtar i lartë i BE-së ka njoftuar se BE-ja nuk do të ndryshojë politikën e saj ndaj Kinës dhe do t'i përmbahet parimit "Një Kinë" pavarësisht tensioneve të fundit mbi çështjen e Tajvanit.

Sipas IRNA, Dominic Porter, zyrtari i lartë i degës së politikës së jashtme të Bashkimit Evropian, theksoi se nuk ka vend për diskutim dhe tha: Politika e respektimit të parimit “Një Kinë” e Bashkimit Evropian mbetet në fuqi. Porter shtoi se kjo strategji bazohet në koncepte që Bashkimi Evropian i përshkruan si ndërveprim parimor, praktik dhe real. Në vazhdim të fjalës së tij, zyrtari i lartë i Bashkimit Evropian përjashtoi çdo program marrëveshjeje dypalëshe në fushën e investimeve me Tajvanin, por në të njëjtën kohë kujtoi se kompanitë tajvaneze kanë mundësi të investojnë në Evropë. Pekini këmbëngul se ishulli i Tajvanit është gjithashtu një rajon që i përket Kinës dhe Republika Popullore e Kinës konsiderohet e vetmja qeveri ligjore e Kinës. Parimi "Një Kinë" është kusht dhe themel për zhvillimin e marrëdhënieve miqësore të bashkëpunimit midis Kinës dhe vendeve të botës. Sipas parimit "Një Kinë", çdo vend që ka marrëdhënie zyrtare me Pekinin nuk ka të drejtë të ketë marrëdhënie zyrtare me Tajvanin. Në bazë të këtij parimi, Amerika lidh marrëveshjet e saj zyrtare me Kinën në vend të Tajvanit, por në të njëjtën kohë ka vazhduar marrëdhëniet e saj “jozyrtare” me Tajvanin dhe dërgon përfaqësues “jozyrtarë” në këtë rajon.