Kundërshtarët e racizmit dhe fashizmit demonstrojnë në Londër

Pas demonstratave të dhunshme të aktivistëve të së djathtës ekstreme kundër pritjes së refugjatëve në Mbretërinë e Bashkuar, mijëra demonstrues antiracistë dhe antifashistë dolën në rrugët e kryeqytetit, Londër.

Pjesëmarrësit në këtë lëvizje protestuese kanë brohoritur parulla kundër fashizmit, racizmit dhe në favor të refugjatëve dhe deklaruan se nuk do të lejojnë që ekstremistët të shkaktojnë përçarje në shoqëri. Ata mbanin pankarta me slogane si “Jo fashizmit”, “Jo racizmit” dhe “Nazizmi nuk do të përsëritet më”. Në të njëjtën kohë, një numër i përkrahësve të grupeve të ekstremit të djathtë u përpoqën ta përshkallëzojnë protestën në dhunë, por ndërhyrja e policisë i pengoi ata.