Dënimi me vdekje për sulmuesin e sinagogës hebre në Amerikë

Një gjykatë në qytetin e Pitsburgut dënoi me vdekje autorin e një sulmi vdekjeprurës në një sinagogë hebreje në vitin 2018, ku u vranë njëmbëdhjetë persona dhe u plagosën gjashtë të tjerë.

Më 27 tetor 2018, Robert Bowers, i cili në atë kohë ishte 46 vjeç, sulmoi sinagogën Tree of Life në Pittsburgh me disa armë gjysmë automatike (një mitraloz dhe tre pistoleta). Sipas agjencisë së lajmeve Reuters, në qershor të këtij viti, Bowers u shpall fajtor nga një gjykatë në Pittsburgh për 63 akuza për fanatizëm, përfshirë 11 akuza për pengim të lirisë fetare. Në incidentin e vitit 2018, të cilin mediat amerikane e cilësojnë si sulmin më vdekjeprurës ndaj hebrenjve në historinë e këtij vendi, 11 persona u vranë dhe 6 u plagosën. Bowers u qëllua disa herë nga policia amerikane gjatë sulmit, por mbijetoi dhe u arrestua. Sipas raportit, në fazën e parë të dënimit të mbajtur dy javë më parë, juria dha vendim për dënimin me vdekje, duke pretenduar se ai nuk ishte penduar për sulmin e tij të planifikuar ndaj hebrenjve.