Belgjika:  Ka ardhur koha për të sanksionuar Izraelin

Të mërkurën, zëvendëskryeministri i Belgjikës kritikoi sulmet masive të regjimit sionist kundër Rripit të Gazës dhe tha se ka ardhur koha për të sanksionuar Izraelin.

Sipas agjencisë së lajmeve Fars, zëvendëskryeministrja e Belgjikës Petra De Sutter, të mërkurën kritikoi ashpër sulmet e regjimit sionist kundër Rripit të Gazës.  Ajo në një fjalim tha:  "Tani është koha për të vendosur sanksione kundër Izraelit, sepse hedhja e bombave si shiu mbi njerëzit është një akt çnjerëzor." Ajo vazhdoi fjalën e saj dhe tha: “Është mjaft e qartë se Izraelit nuk i intereson kërkesa e komunitetit ndërkombëtar për armëpushim”. Gjithashtu, ministri i të drejtave sociale të Spanjës, Ione Belarra, në mes të konflikteve në Rripin e Gazës u kërkoi vendeve të botës të ndërpresin marrëdhëniet e tyre diplomatike me regjimin sionist dhe të vendosin sanksione ndaj kryeministrit të këtij regjimi, Beniamin Netanjahu. Ione Belarra kishte sugjeruar më parë që Partia e Punëtorëve Socialiste (PSOE) në pushtet në Spanjë të ndërpresë lidhjet diplomatike me Izraelin për shkak të përshkallëzimit të konfliktit në Gaza. Ajo tha:  Unë dua që vendi im dhe vendet e tjera të ndërpresin marrëdhëniet e tyre diplomatike me regjimin sionist. Ky do të jetë mesazhi i saktë politik dhe do të tregojë se ne nuk duam të lidhemi me kriminelin e luftës Netanjahu. Ndërkohë, Ministri në detyrë i Punëve të Jashtme të Spanjës njoftoi se Madridi planifikon të trefishojë ndihmën humanitare për Palestinën këtë vit. Sipas agjencisë së lajmeve Sputnik, së fundmi, "José Manuel Álvarez", Ministri në detyrë i Punëve të Jashtme të Spanjës, gjatë takimit të ministrave të jashtëm të Bashkimit Evropian në Luksemburg, tha se qeveria e Madridit ka rritur ndihmën humanitare për palestinezët me 21 milionë euro dhe synon ta dyfishojë atë në të ardhmen. Ai gjithashtu në rrjetin social X (Twitter) ka shkruar:  Në mes të krizës humanitare në Rripin e Gazës, ne kemi përgatitur një paketë të re ndihme prej 26 milionë eurosh për popullin palestinez. A shtoi se këtë vit do të trefishojmë bashkëpunimin me Palestinën dhe do të sigurojmë 48.5 milionë euro të tjera. Ndërkohë, shefi i zyrës së mediave të qeverisë së Gazës, “Salama Marouf”, në një konferencë për shtyp tha:   Që nga fillimi i agresionit sionist në Rripin e Gazës e deri më sot, në ditën e tridhjetë e tretë të sulmeve, janë martirizuar 10.569 palestinezë, mes të cilëve 4.237 fëmijë, 2.823 gra dhe vajza, 26.000 qytetarë palestinezë janë plagosur dhe 1.5 milionë palestinezë janë zhvendosur nga shtëpitë e tyre në strehimore të përkohshme ose në shtëpitë e të afërmve të tyre.