Sullivan: Epoka e supremacisë amerikane kishte përfunduar përpara Joe Biden

ParsToday - Këshilltari i Sigurisë Kombëtare i Shtëpisë së Bardhë deklaroi: "Periudha e supremacisë së Amerikës ka përfunduar".

Këshilltari i Sigurisë Kombëtare i Shtëpisë së Bardhë, Jake Sullivan, në një intervistë për gazetën amerikane "New York Times" duke iu referuar përfundimit të sistemit nën hegjemoninë e SHBA-ve, tha: "Epoka pas Luftës së Ftohtë ka përfunduar; periudha e supremacisë së Amerikës nga vitet 1990-ta dhe fillimi i viteve 2000, ka përfunduar. Epoka e supremacisë amerikane kishte përfunduar para se administrata e Biden të merrte detyrën".

Sipas raportit të ParsToday, Sullivan në vazhdim foli për luftën në Rripin e Gazës dhe në justifikimin e sulmeve të regjimit pushtues sionist ndaj spitaleve, xhamive, kishave dhe zonave të tjera civile në Rripin e Gazës, ai akuzoi Hamasin për përdorimin e shkollave, xhamive dhe spitaleve për qëllime ushtarake.

Ndërkohë, ky pretendim është hedhur poshtë nga Kombet e Bashkuara, nga vendet evropiane, madje edhe nga disa zyrtarë të vetë regjimit sionist dhe amerikan. Sipas raportit të Kombeve të Bashkuara, më shumë se 70% e të vrarëve në Rripin e Gazës janë gra dhe fëmijë.

Në vazhdim të fjalës së tij, këshilltari i Sigurisë Kombëtare i Shtëpisë së Bardhë mbrojti vendimin e Joe Biden për t'i dërguar armë regjimit sionist dhe tha: "Ne nuk mund të ndalojmë dërgimin e armëve në Izrael".