Sulmuesi në Gjermani ka vrarë veten

Së paku katër vetë kanë vdekur dhe 30 të plagosur pasi një automjet, që thuhet të jetë një furgon, u përplas në një turmë jashtë një restoranti në Münster, në Gjermaninë perëndimore.

Ministria e Brendshme gjermane tha se katër vetë kanë vdekur. Mediat gjermane cituan policinë duke thënë se i dyshuari që sulmoi me furgon ka vrarë veten në vendngjarje. Ndërkaq, raportohet  për 30 të plagosur. Agjencia e lajmeve Reuters citon policinë gjermane të ketë thënë se nuk po kërkojnë të dyshuar të tjerë në këtë incident, duke thënë se ata presin që rreziku të mbarojë. Kjo ndodhi pranë statujës së Kiepenkerlit në qytetin e vjetër. Policia u ka kërkuar banorëve të shmangin zonën në mënyrë që të mos pengojnë shërbimet e emergjencës.