Vazhdon polemika dhe propaganda anti-iraniane e Amerikës kundër Iranit

Sekretari amerikan i shtetit ditën e martë edhe një herë ka akuzuar Iranin për gjoja implikimin në sulmin ndaj dy anijeve në detin e Omanit.

I pranishëm në shtabin qendror të ushtrisë amerikane në rajonin e Azisë perëndimore të njohur me emrin CENTCOM, sekretari amerikan i shtetit Mike Pompeo ka pretenduar se Uashingtoni posedon fakte që tregojnë se Irani është implikuar në sulmin ndaj anijeve në detin e Omanit. Pompeo në vazhdim të kësaj deklarate qesharake ka pretenduar se Amerika gjendet në rajonin e Gjirit Persik për të pasur fuqi preventuese përballë sulmeve të Iranit. Sekretari amerikan i shtetit pa prezantuar asnjë fakt apo dëshmi që vërteton implikimin e Iranit në aksidentin e detit të Omanit, ka bërë përgjegjës Teheranin për sulmin ndaj dy anijeve. Ditën e enjte më 12 maj dy anije Front Altair me flamurin algjerian dhe që është në pronësi të Norvegjisë transportonte etanol nga Katari ndërsa anija Kokuka Courageous me flamurin e Panamasë transportonte metanol. Që të dy anijet janë djegur në ujërat e detit të Omanit. Ministria e tregtisë e Japonisë me anë të një deklarate ka njoftuar se anijet mbartnin produkte që i përkisnin Japonisë.