Prof. Chomsky: Trump fajtor për vdekjen e mijëra amerikanëve

Profesori Noam Chomsky beson se Donald Trump është fajtor për vdekjen e mijëra amerikanëve pasi presidenti republikan po përdor pandeminë e koronavirusit për të përmirësuar perspektivat e tij elektorale dhe për të mbushur xhepat e biznesit të madh.

Duke folur në një intervistë për The Guardian, analisti i madh politik dhe filozofi amerikan tha se Trump po pretendon të jetë shpëtuesi i SHBA-së gjatë krizës së koronavirusit, ndërsa në të njëjtën kohë ai po godet me thikë në shpinë amerikanët e thjeshtë. Ai argumentoi se Trump kishte reduktuar fondet e qeverisë për kujdesin shëndetësor dhe hulumtimin në lidhje me sëmundjen fatale, në mënyrë që korporatat e mëdha të mund të përfitonin. Chomsky  theksoi:"Kjo është diçka që Trump e ka bërë çdo vit të mandatit të tij, duke e shkurtuar më shumë buxhetin shëndetësor. Pra, plani i tij është le të vazhdojmë ta shkurtojmë, le të vazhdojmë të sigurohemi që popullsia është aq e prekshme sa mund ta bëjmë të vuajë sa më shumë që të jetë e mundur, por sigurisht kjo do të rrisë fitimet për përbërësit e tij parësorë në pasuri si dhe fuqinë e korporatave. " Chomsky gjithashtu tha se Trump ka hequr dorë nga detyrat e tij përmes hedhjes së përgjegjësive te guvernatorët e shteteve të veçantë për luftimin e virusit. "Është një strategji e shkëlqyeshme për të vrarë sa më shumë njerëz dhe për të përmirësuar politikën e tij elektorale," tha ai. Kur u pyet nëse Trump ishte fajtor në vdekjen e amerikanëve, Chomskey tha: "Po, por është shumë më keq se kaq. Për të provuar dhe mbuluar sulmet e tij kriminale kundër popullit amerikan, të cilat kanë vazhduar gjatë gjithë kësaj kohe, ai do të përpiqet të gjejë  rrugëdalje dhe fajtorë në arenën ndërkombëtare. "