Pars Today

Në këtë emision do të njihemi me veprimet çnjerëzore të budistëve të Mianmarit kundër myslimanëve Rohingya.

Shumë myslimanë sot në botë përballen me një shumëllojshmëri racizmi etnik dhe racor. Në shumë vende, imazhi i fesë Islame paraqitet si një imazh që nxit dhunën dhe ekstremizmin. Ndërsa myslimanët në Evropë dhe në shumë nga vendet e goditura nga kriza në Afrikë dhe Amerikë dhe disa vende të Azisë Lindore, janë viktima të dhunës dhe ekstremizmit. Mund të thuhet se myslimanët janë një nga ndjekësit më të shtypur të feve hyjnore. Nga njëra anë, për shkak të perceptimit të gabuar të vahabizmit, siç është drejtësia islamike dhe promovimi i mësimeve njerëzore dhe morale myslimanët janë pre e  masakrave të takfiristëve dhe grupeve terroriste si ISIS në Siri, Irak, Liban dhe shumë vende të tjera të botës. Nga ana tjetër, myslimanët në shumë vende të Evropës dhe të Shteteve të Bashkuara po përndiqen dhe masakrohen për shkak se janë myslimanë. Minoritetet myslimane në të gjitha vendet joislamike janë një nga pakicat më paqësore dhe bashkëjetuese në pranimin e ligjeve të bashkësisë së tyre lokale. Duke u përpjekur për të ruajtur identitetin e tyre islamik, ata po përpiqen të luajnë një rol pozitiv në zhvillimin dhe kulturën e vendit të tyre të banimit. Një nga pakicat më të shtypura, jo vetëm si myslimane, por edhe si pakicë fetare në botë, janë myslimanët e Mianmarit në Azinë Lindore. Myslimanët e Mianmarit, të quajtur Rohingya, janë të përqendruar në veri të shtetit të Rakhin në Mianmar. Qeveria e Mianmarit nuk e njeh këtë minoritet dhe i konsideron ata emigrantë të jashtëligjshëm. Ndërsa Kombet e Bashkuara i përshkruajnë ato si një nga pakicat më të mëdha që i nënshtrohen tiranisë së ulët dhe shtypjes. Një emigrant 19-vjeçar mysliman nga Mianmari gjendjen e tij të mjeruar të jetës e përshkruan kështu: "Unë kam lindur në Mianmar, por qeveria më tha se nuk i përkisja Mianmarit. Unë u rrita në Bangladesh, por qeveria e Bangladeshit thotë se nuk mund të qëndroj atje. Si një Rohingya, imagjinoj që jam i mbërthyer në mes nofullës të hardhucës dhe pickimit të gjarprit!"

Pamjet dhe videot e tmerrshme të sulmeve ndaj myslimanëve në Mianmar, janë një dokument i pakundërshtueshëm i vuajtjeve të paimagjinueshme të kësaj pakice në shekullin e 21-të. Qeveria e Mianmarit, në aspektin ushtarak dhe në rrethanat e tanishme, është lidhur me budistët ekstremistë për të eliminuar dhe shkatërruar minoritetin mysliman të Rohingyas. Aung San Suu Kyi, një figurë e njohur ndërkombëtare dhe fitues i çmimit Nobel për Paqe dhe politikane me ndikim në qeverinë aktuale të Mianmarit, vazhdon të qëndrojë e heshtur për vrasjet dhe diskriminimin dhe sjelljen e dhunshme ndaj myslimanëve Rohingya. I vetmi veprim që Aung San Suu Kyi ka dhënë në shërbim të  myslimanëve Rohingya në shtetin e Rakhin, ishte leja e futjes së disa gazetarëve në rajonin e bllokuar fort të myslimanëve. Myslimanët Rohingya kur gjetën mundësinë të komunikojnë me gazetarët, folën për shtypjen dhe vuajtjen e pafundme të tyre. Një grup i grave myslimane u tha gazetarëve se një ditë më parë, pushtuesit rrëmbyen shumë burra, gra dhe fëmijë pasi sulmuan vendin e tyre. Një grua mbi djalin e saj të arrestuar dhe tha: "Djali im nuk ishte terrorist, ai u arrestua ndërsa ishte duke punuar në fermë". Në një raport të kohëve të fundit, Organizata e Kombeve të Bashkuara deklaroi se të paktën 75,000 anëtarë të pakicës etnike fetare Rohingya janë larguar nga shtëpitë e tyre  për në Bangladesh. Myslimanët Rohingya janë të uritur dhe vuajnë për shkak të politikave diskriminuese dhe raciste të budistëve radikalë, të mbështetur nga ushtria dhe qeveria e Mianmarit. Në raportin e fundit të OBHS thuhet se më shumë se 80,000 fëmijë mysliman Rohingya vuajnë nga kequshqyerja në pjesët e Mianmarit perëndimor, ku myslimanët vazhdimisht bëhen pre e sulmeve budiste. Krimet e kryera nga ekstremistët budistë të Mianmarit kundër myslimanëve nuk janë më pak sesa krimet e ISIS, takfiristëve dhe grupeve terroriste në Siri dhe Irak. Ata gjithashtu vrasin myslimanët e Rohingya, duke i prerë kokat apo duke i djegur të gjallë në zjarr. Në një video të publikuar kohët e fundit, budistët ekstremistë torturojnë një fëmijë mysliman 3-vjeçar me shokues elektrik, një moment ky i tmerrshëm që godet çdo zemër njerëzore.

Torturimi i fëmijës në Mianmar për shkak se është mysliman

Por këto imazhe të tmerrshme nuk  dëmtuan zemrën e asnjë njeriu liberal në Perëndim, por as edhe ato Rangonitm kryeqytetit të Mianmarit. Aung San Suu Kyi, fituesi i Çmimit Nobel për Paqe, si një regjim militant ende preferon të heshtë mbi racizmin që kryhet ndaj myslimanëve Rohingya. Kur një figurë indiferente dhe liberale si Aung San Suu Kyi, si prioritet të tij vendos liberalizmin perëndimor në vend të të drejtave të njeriut, atëherë nuk mund të pritet më shumë. Në liberalizmin perëndimor, të drejtat e njeriut janë shumë të rëndësishme në avancimin e qëllimeve politike. Prandaj, qeveritë perëndimore e përdorin atë për të ushtruar presion mbi qeverinë ushtarake të Mianmarit dhe e quajnë Aung San Suu Kyi simbol të çlirimit. E njëjta figurë liberale është e gatshme të ruajë pozicionin e vet politik, duke injoruar vrasjen dhe gjenocidin që u bëhet mijëra myslimaneve Rohingya vetëm për shkak të fesë së tyre. Rreth katër vjet më parë Aung San Suu Kyi në një takim me Presidentin e Komisionit Evropian Hoze Manuel Barroso në përgjigje të shqetësimit të madh të Barroso-s rreth dhunës kundër myslimanëve në Mianmar tha: "Nuk mund të flasë në mbështetje të myslimanëve të Rohingyas." Ai tha se nuk mund të merrte një pozicion dhe qëndrim për masakrimin e myslimanëve në Mianmar,  në kohën kur dy javë më parë më shumë se 100,000 myslimanë u internuan dhe u dëbuan dhe të gjitha fshatrat dhe 4 qytete të rajonit mysliman të Rakhinit u dogjën dhe shkrumbuan.

Veprimet e budistëve të mbështetur nga qeveria dhe ushtria e Mianmarit kundër myslimanëve janë në kundërshtim me mësimet budiste. Budistët ekstremë të Mianmarit duke vrarë myslimanët e Rohingya shkatërruan imazhin e Budës dhe pasuesve të tij në mendjet e njerëzve të botës. Buda njihet pak a shumë nga populli i botës. Edhe pse ata nuk njohin mësimet dhe fjalimet e tij, të paktën ata ka dëgjuar historinë e jetës së tij. Princi indian që la jetën mbretërore në pallatin e pallatit të babait të tij, iku në kërkim të jetës së vërtetë dhe vuajtjes. Përfundimisht, ai themeloi një fondacion, slogani kryesor i të cilit ishte "rruga e mesme”, sjellja moderuese dhe moderim në të gjitha pjesët e jetës. Në bazë të këtij parimi, Buda parashtroi rregulla dhe dekrete për ndjekësit e tij. Një nga më të rëndësishmet e këtyre parimeve, të cilat të gjithë budistët janë të detyruar të pëshpëritin në lutjet e tyre, është “direktiva pesëfishore morale". Në një pjesë të kësaj direktive thuhet: "Unë angazhoj veten për zbatimin e këtij dekreti për të shmangur vrasjen e ndonjë krijesë që merr frymë, unë angazhohem për zbatimin e këtij dekreti se unë do të përmbahem nga marrja në zotërim e asaj që nuk është e imja". Raportet dhe imazhet e tragjedisë së mjerueshme të imponuar nga budistët ndaj myslimanëve në Myanmar, tregojnë qartë se kjo gjendje është krejtësisht në kundërshtim me parimet e budizmit. Këto raporte dhe imazhe tregojnë se nëse ekstremizmi ndikon në një religjionin, pasuesit e saj nuk marrin parasysh as mësimet më themelore të fesë së tyre. Murgjit në Mianmar jo vetëm që nuk shmangin vrasjen e myslimanëve, plaçkitjen dhe djegien e pronës së tyre, por me gjithë brutalitetin e tyre, inkurajojnë dhe nxisin budistët që të gjithë të kryejnë të tilla veprime.