امکان اسکان 10 هزار پناهجوی افغانستانی در ولایت بدخشان تاجیکستان
-
امکان اسکان 10 هزار پناهجوی افغانستانی در ولایت بدخشان تاجیکستان
رییس ولایت بدخشان تاجیکستان از امکان اسکان 10 هزار پناهجوی افغانی در این منطقه در صورت تشدید درگیری ها در مناطق هم مرز با افغانستان خبر داد.
به گزارش رادیو تاجیکی صدای خراسان به نقل از سامانه تاج ویک، یادگار فیض اف با اشاره به مرز طولانی ولایت بدخشان تاجیکستان با افغانستان و تشدید درگری ها گفته است که آماده اسکان 10 هزار پناهجوی افغانستانی می باشند.
وی تاکید کرده است که درسال های جنگ داخلی تاجیکستان مقامات دولت وقت افغانستان به تعداد زیادی از پناهجویان تاجیک زمینه اسکان را داده بودند و اکنون وظیفه تاجیک ها می باشد که در صورت ورود ساکنان ولایت بدخشان افغانستان در پی درگیری های شدید میان نیروهای دولتی و گروه طالبان به افغانها پناه دهند.
ازاین رو مقامات ولایت بدخشان تاجیکستان به دنبال مشخص کردن مکان احتمالی اسکان پناهندگان افغانی، ذخیره سازی سوخت و مواد غذای و دیگرامکانات برای این افراد می باشند.
به گفته وی، با توجه به این که گروههای مسلح مخالف دولت کابل در فرمانداریهای بهارک، زیباک و درواز ولایت بدخشان افغانستان رو به روی مرز تاجیکستان مستقر هستند، ضرورت دارد امنیت مرز و توان رزمی نیروهای مرزبانی تاجیکستان برای مقابله با هر نوع تحرکات گروههای تروریستی فعال در ولایت بدخشان افغانستان تقویت شود.
اکثر کارشناسان مسایل سیاسی معتقدند با آغاز خروج نظامیان آمریکایی ازافغانستان تحرکات گروههای تروریستی در مناطق شمال این کشور و درنزدیکی مرز با تاجیکستان افزایش یافته است.
بیشتر بخوانید :
