واکنش طالبان به درخواست تاجیکستان درباره تقویت امنیت مرزی با افغانستان

حکومت طالبان در واکنش به ارائه پیش‌نویسی از سوی تاجیکستان به سازمان پیمان امنیت جمعی اعلام کرد که امنیت مرزی میان افغانستان و تمام کشورهای هم‌مرز به ویژه تاجیکستان تامین است.

به گزارش روز سه‌شنبه ایرنا، به نقل از طلوع نیوز، پیشتر وزارت خارجه تاجیکستان در نشست نماینده‌های وزارت‌خانه‌ها و ادارات کشورهای عضو سازمان پیمان امنیت جمعی در مسکو پیش‌نویسی را برای تقویت امنیت مرزی تاجیکستان و افغانستان ارائه کرده بود که با واکنش حکومت طالبان مواجه شد.

ذبیح‌الله مجاهد سخنگوی حکومت طالبان با بیان اینکه هیچ تهدید مرزی از خاک افغانستان متوجه کشورهای همسایه نیست، تصریح کرد: ما هرگز اجازه نمی‌دهیم شخص یا گروهی از خاک افغانستان علیه کشوری استفاده کند و چنین گروه‌هایی را هم در افغانستان نداریم که علیه کشوری اقدام کنند.

او گفت: برخی اظهارنظرها از طرف تاجیکستان درباره نبود امنیت در مرز با افغانستان درست نیست و حکومت طالبان تمام تلاش‌های خود را برای احیای روابط خوب با تمام کشورها از جمله تاجیکستان انجام خواهد داد تا اعتماد بین طرفین برقرار شود.وزارت خارجه تاجیکستان اعلام کرده بود که این کشور پیش‌نویسی را به سازمان پیمان امنیت جمعی ارائه کرده که در تقویت امنیت مرزهای دو کشور تاثیرگذار است.

این وزارتخانه خاطرنشان کرد: نشست نمایندگان وزارتخانه‌ها و ادارات کشورهای عضو سازمان پیمان امنیت جمعی از هشتم تا یازدهم اسفند در مسکو برگزار شد.

سازمان پیمان امنیت جمعی در پی تحولات اخیر افغانستان چندین رزمایش در نزدیکی مرز تاجیکستان و افغانستان برگزار کرده است.

عبدالرحمان شمال آگاه روابط بین‌الملل به طلوع نیوز گفت: برخی همسایگان بخصوص تاجیکستان نگران آن هستند که مبادا نیروهای افراطی با توانمندی بیش‌تر بتوانند از خاک افغانستان امنیت منطقه بر هم بزنند.احمد خان اندر آگاه روابط بین‌الملل هم گفت: دغدغه‌های همسایگان در این مورد را می‌توان از راه تعامل و برقراری نشست‌های مختلف با آنها برطرف و با تدابیر مشترک علیه گروه‌های تروریستی اقدم کرد.