طالبان خبر داد: استقرار هزاران نیرو در مرز با تاجیکستان

گروه طالبان از استقرار هزاران نیروی ویژه خویش در ولایت تخار در نزدیکی مرز با تاجیکستان خبر داد.

به گزارش رادیو تاجیکی صدای خراسان به نقل از سامانه اسپوتنیک، ذبیح الله مجاهد معاون وزیر فرهنگ طالبان در پیام توییتری اعلام کرد که به منظور تامین امنیت درمرز مشترک با تاجیکستان هزاران نفراز نیروهای ویژه این گروه در ولایت تخار مستقر شده اند.

وی هدف از این اقدام را مقابله با هرنوع عوامل و تهدیدهای امنیتی در مرز با تاجیکستان عنوان کرده است.  این درحالی است که برخی از رسانه های مستقل خبری قبلا درباره دیدار تعدادی از مقامات دولت پیشین افغانستان با مسوولان حکومت تاجیکستان در دوشنبه مطالبی را منتشرکرده بودند.

 تاجیکستان بارها با تاکید بر ضرورت تشکیل دولت فراگیر در افغانستان، حمایت خویش از جبهه مقاومت ولایت پنجشیر در برابر طالبان را اعلام کرده است.

بیشتر بخوانید:

• روسیه:طالبان با داعش میانه خوبی ندارد؛ خطر طالبان متوجه آسیای مرکزی نیست

• سرپرست وزارت دفاع طالبان: هیچ عضو طالبان حق کشتن فردی را ندارد