هشدار وزارت دفاع طالبان به تاجیکستان و ازبکستان
سخنگوی وزارت دفاع طالبان به مقامات دو کشورهمسایه هشدار داد تا هواپیماها وبالگردهای افغانستان را بازگردانند.
به گزارش رادیو تاجیکی صدای خراسان،مولوی محمد یعقوب (فرزند ملا عمر، بنیانگذار جنبش طالبان افغانستان) در رزمایش هوایی افغانستان گفت: تاجیکستان و ازبکستان "نباید صبر افغان ها را در این زمینه آزمایش کنند."
- وی افزود:"هواپیماهای ما که همراه شما هستند، اگر در تاجیکستان یا ازبکستان باشند، به ما بازگردانده می شوندوما هرگز اجازه نمی دهیم هواپیماهای ما در خارج از کشور بمانند".
- سخنگوی وزارت دفاع طالبان اظهار کرد، «اگر این هواپیماها به افغانستان بازگردانده نشوند، عواقب ناگواری در پی خواهد داشت» اما وی جزییات بیشتری در مورد عواقب آن ارائه نکرد.
این دومین بار در یک هفته است که مقامات طالبان از دوشنبه و تاشکند درخواست های مشابهی را مطرح می کنند، اما تاجیکستان و ازبکستان به طور رسمی به درخواست والی جدید در کابل پاسخ نداده اند.
پیش از این مقامات طالبان گفته بودند که از زمان سرنگونی حکومت اشرف غنی تاکنون 40 بالگرد به تاجیکستان و ازبکستان منتقل شدند و مذاکرات با دوشنبه و تاشکند برای بازگرداندن بالگردها ادامه دارد.
عنایت الله خوارزمی، سخنگوی وزارت دفاع طالبان نیز گفت: «از دولت‌های دو کشور (تاجیکستان و ازبکستان) بارها خواسته شده تا بالگردهارا به دولت کنونی افغانستان برگردانند.
پس از سرنگونی دولت اشرف غنی در 15 اوت 2021، ده ها خلبان افغان به تاجیکستان گریختند و سه ماه را در آسایشگاهی در حومه دوشنبه سپری کردند.
