درخواست طالبان از ازبکستان و تاجیکستان برای برگرداندن هواپیماهای افغانستان

سرپرست وزارت دفاع دولت طالبان افغانستان بار دیگر از کشورهای تاجیکستان و ازبکستان خواست بالگردها و هواپیماهای نظامی دولت سابق افغانستان را به این کشور بازگردانند.

به گزارش خبرگزاری فارس ، همزمان با به قدرت رسیدن طالبان در افغانستان در اوت 2021،  دهها فروند  بالگردها و هواپیماهای نظامی افغانستان به کشورهای ازبکستان و تاجیکستان منتقل شدند. طالبان بارها خواستار استرداد این تجهیزات نظامی شده است.

ازبکستان چندی پیش انتقال حدود 50 فروند هواپیما و بالگرد نیروی هوایی افغانستان به این کشور را تایید کرد.

«محمد یعقوب مجاهد» سرپرست وزارت دفاع دولت طالبان  افغانستان روز چهارشنبه  در نشست خبری در کابل بار دیگر دیگر از تاجیکستان و ازبکستان خواست تا بالگردها و هواپیماهای نظامی افغانستان را که پس از سقوط دولت سابق  به این کشورها منتقل شده بودند، بازگردانند.

یعقوب مجاهدتاکید کرد؛  این بالگردها متعلق به افغانستان بوده و تلاش برای بازگرداندن آنها به این کشور ادامه دارد.

این مقام طالبان افزود:  کشورهای تاجیکستان و ازبکستان می‌گویند مسئله این است که آمریکایی‌ها نمی گذارند این بالگردها را به افغانستان برگردانیم. 

در ماه می سال جاری، «جان مارک پامرشایم» سفیر آمریکا در تاجیکستان گفته بود کشورش هیچ برنامه‌ای برای تحویل این اموال به طالبان را ندارد زیرا این تجهیزات به طالبان تعلق ندارند.

تاکنون دولت طالبان بارها  از تاجیکستان و ازبکستان درخواست بازگرداندن بالگرد و هواپیماها نظامی را مطرح کرده است.