سفر هیات طالبان به تاجیکستان

هیات رسمی طالبان از کنسولگری افغانستان در شهر «خاروغ» تاجیکستان بازدید کرد.

به گزارش  خبرگزاری تسنیم، عبدالقهار بلخی سخنگوی وزارت امور خارجه دولت موقت طالبان روز شنبه در توئیتی نوشت، این هیات از ساختمان کنسولگری افغانستان در شهر «خاروغ» ولایت بدخشانِ تاجیکستان بازدید کرده است.

بلخی تصریح کرد، نمایندگان طالبان به‌ سرپرستی حاج محمد موسی امیری در بازدید از ساختمان کنسولگری افغانستان در شهر «خاروغ»، خسارت‌های ناشی از وقوع بهمن را بررسی و گزارشی را به وزارت خارجه در کابل ارائه کرده اند.

گفتنی است، تاجیکستان تنها همسایه افغانستان است که با دولت موقت طالبان رابطه ندارد. از طرف دیگر جبهه‌ مخالف طالبان موسوم به «جبهه مقاومت» به‌رهبری احمد مسعود در افغانستان فعال است. 

در حالی که طالبان از اوت 2021 کنترل افغانستان را در دست گرفته، سفارت این کشور در دوشنبه همچنان در اختیار دیپلمات‌های دولت سابق قرار دارد و این دفتر نمایندگی هنوز در باره سفر هیات طالبان اظهار نظر نکرده است.