نگرانی تاجیکستان از گسترش تروریسم در افغانستان و پاسخ طالبان

رئیس جمهوری تاجیکستان، ولایت های شمالی افغانستان محل پرورش تروریسم بین المللی خواند و طالبان برای رفع نگرانی همسایگان اعلام آمادگی کرد.

 امامعلی رحمان رئیس جمهور تاجیکستان در جمع نمایندگان کشورهای تاجیکستان، ازبکستان، و ترکمنستان که در نشست سران اتحادیه اروپا و آسیای مرکزی شرکت کرده بودند، یک بار دیگر نگرانی خود را از حضور و گسترش تروریسم در خاک افغانستان تحت کنترل طالبان ابراز کرد.

به گزارش رادیو تاجیکی صدای خراسان،رئیس جمهور تاجیکستان گفت افغانستان به ویژه ولایات شمالی آن محل پرورش تروریسم بین‌المللی شده است.

در حالی که طالبان دائما از طرح های خود برای کشت جایگزین برای خشخاش و تشدید مبارزه با مواد مخدر پرده برداری می کند، امامعلی رحمان در این نشست که در شهر چولپون آتا قرقیزستان برگزار شد تأکید کرد، افغانستان همچنان یکی از بزرگ‌ترین تولیدکنندگان مواد مخدر در جهان است، تا جایی که اکنون در زیر سلطه طالبان، تولید مواد مخدر چند برابر افزایش یافته است.

رئیس جمهور تاجیکستان در بخش دیگری از سخنان خود از جامعه جهانی خواستار افزایش کمک برای تقویت مرزهای این کشور با افغانستان شد.