عزم تاجیکستان در تقویت امنیت مرزهای مشترک با افغانستان

تاجیکستان به دلیل نگرانی های امنیتی،تقویت امنیت مرزهای مشترک با افغانستان را در دستور کار خود قرار داده است.

کشورهای همسایه افغانستان پس از به قدرت رسیدن گروه طالبان (اوت2021) از تهدیدات تروریستی از مبدا خاک افغانستان ابراز نگرانی می کنند. این گروه نیز بارها وعده داده که هرگز اجازه نخواهد داد هیچ کشوری از خاک افغانستان هدف تهدیدهای ترویستی قرار بگیرد. اما برخی کارشناسان با اشاره به حملات انجام گرفته توسط داعش به کشورهای همسایه افغانستان از خاک این کشور،  طالبان را در عمل به این وعده ناتوان توصیف کرده اند.

به هر شکل این حملات، همسایگان افغانستان از جمله تاجیکستان را نگران کرده است.

به گزارش خبرگزاری ایرنا، امامعلی رحمان رئیس جمهور تاجیکستان پاسگاه‌های مرزی در منطقه خودمختاربدخشان، مرغاب، اشکاشم، روشان و در مناطق فرخور، شمس‌الدین شاهین و پنج منطقه ختلان را افتتاح کرد.

دفتر مطبوعاتی ریاست جمهوری تاجیکستان خاطرنشان کرد، کار ساخت و ساز در تاسیسات نظامی در فوریه 2023 آغاز شد، ساختمان پاسگاه های مرزی مطابق با مقتضیات زمان در مدت کوتاهی ساخته و به بهره برداری رسید.

به گفته رئیس جمهوری تاجیکستان، "مرزبانان به عنوان سپری قابل اعتماد، باید مرزهای کشور را در برابر همه تهدیدات و خطرات زمان جدید به ویژه قاچاق مواد مخدر و جنایات فراملی حفظ کنند."

مرکز تحقیقات راهبردی ریاست جمهوری تاجیکستان چهارم اوت سال جاری اعلام کرد که این کشور تعداد پاسگاه های مرزی با افغانستان را به بیش از 100 پاسگاه افزایش داده است.