درگیری بین مرزبانان و قاچاقچیان در مرز تاجیکستان و افغانستان

سخنگوی نیروهای مرزبانی تاجیکستان گفت:16 قاچاقچی مواد مخدر در 26 درگیری مسلحانه با مرزبانان این کشور در مرز تاجیکستان با افغانستان در سال گذشته (2016) کشته شدند.

به گزارش روز شنبه  ایرنا،"محمد اولوغ خواجه‌ اف"سخنگوی نیروهای مرزبانی تاجیکستان گفت: در این درگیری ها شش قاچاقچی زخمی و 18 نفر هم دستگیر شدند. 

به گفته خواجه اف مرزبانان تاجیک سال گذشته در مرز این کشور با افغانستان حدود یک تن مواد مخدر و دهها قبضه سلاح گرم از قاچاقچیان کشف و مصادره کردند. 

براساس تازه ترین گزارش سازمان ملل متحد، تولید مواد مخدر درافغانستان 43 درصد افزایش یافته است. 

ولایت ​هلمند با 40 درصد , بیشترین کشت خشخاش را در بین استان های افغانستان دارد و بعد از آن قندهار، اوروزگان، ننگرهار، فراه، بدخشان و نیمروز در رده های بعدی قرار دارند.