دیدار امامعلی رحمان با رییس جمهوری ترکیه و نخست وزیر پاکستان

رییس جمهوری تاجیکستان در حاشیه برگزاری سیزدهمین نشست سران سازمان همکاری‌ اقتصادی -اکو- در اسلام آباد پاکستان با رییس جمهوری ترکیه و نخست وزیر پاکستان دیدار کرد.

به گزارش رادیو تاجیکی صدای خراسان به نقل از خبرگزاری دولتی خاور، در دیدار امام‌علی رحمان با رجب طیب اردوغان، درباره راه‌های گسترش روابط اقتصادی و تجاری دو کشور، برگزاری نشست کمیسیون مشترک همکاری‌های بین دولتی تاجیکستان و ترکیه، ساخت کارخانه‌های مشترک و سرمایه‌گذاری در بخش‌های انرژی و حمل و نقل بحث و تبادل نظر شد.

در دیدار رحمان با نواز شریف نخست وزیر پاکستان نیز روابط دو کشور و اوضاع افغانستان و خاورمیانه مورد بررسی قرار گرفت.

دو طرف در این دیدار بر ضرورت اجرایی شدن طرح کاسا - 1000 برای انتقال برق تاجیکستان و قرقیزستان به افغانستان و پاکستان، سرمایه گذاری پاکستان در ساخت کارخانه‌های صنعتی در تاجیکستان و استفاده تاجیکستاان از دالان ترانزیتی چین و پاکستان بررسی شد.

رییس جمهوری تاجیکستان و نخست وزیر پاکستان همچنین بر ضرورت گسترش همکاری‌های دو کشور در قالب سازمان همکاری شانگهای، سازمان همکاری‌ اقتصادی اکو و دیگر نهادهای همگرایی منطقه‌ای تاکید کردند.