دیدار سران افغانستان، پاکستان و تاجیکستان در دوشنبه
سران افغانستان، پاکستان و تاجیکستان روز پنجم ژوییه در دوشنبه دیدار میکنند.
به گزارش رادیو تاجیکی صدای خراسان به نقل از اوستا، رادیو دولتی پاکستان اعلام کرده است که در نشست سران افغانستان، پاکستان و تاجیکستان در شهر دوشنبه اوضاع امنیتی منطقه، همکاری های اقتصادی و تجاری میان این سه کشور، مبارزه با تروریسم و روند ساخت خط کاسا 1000 بررسی خواهد شد.
در دیدار اشرف غنی، نواز شریف و امامعلی رحمان در دوشنبه همچنین درباره کاهش اختلافات سیاسی میان کابل و اسلام آباد، تقویت مبارزه مشترک با گروههای افراطی و تروریستی، ایجاد دالان بین المللی انتقال کالا و محصولات از افغانستان و پاکستان به تاجیکستان و اعطای تسهیلات گمرکی به بازرگانان این سه کشور بحث و تبادل نظر خواهد شد.
در دیدار سه جانبه سران افغانستان، پاکستان و تاجیکستان در شهر دوشنبه تاثیر تحولات افغانستان بر امنیت کشورهای آسیای مرکزی و مسایل مهم بین المللی نیز مورد بررسی قرار خواهد گرفت.