عضویت 95 ساکن ناحیه باختر در گروههای تروریستی
رییس جمهوری تاجیکستان از پیوستن 95 نفر از ساکنان ناحیه باختر ولایت ختلان به صفوف گروههای تروریستی در خارج از این کشور انتقاد کرد.
به گزارش رادیو تاجیکی صدای خراسان به نقل از سایت اطلاع رسانی ریاست جمهوری تاجیکستان، امامعلی رحمان روز چهارشنبه در دیدار با مقامات و نمایندگان مردم ناحیه باختر ولایت ختلان گفت پیوستن 95 نفر از ساکنان این منطقه به گروههای تروریستی در خارج از کشور جای نگرانی دارد.
وی گفت: از این تعداد 35 نفر جوان هستند که 17 تن از آنان در درگیریها کشته شده اند.
رحمان تاکید کرد که کارمندان نهادهای امنیتی و انتظامی و دادستانی طی پنج سال اخیر در قلمر و ناحیه باختر 48 مورد جرم و جنایت مربوط به تروریسم را ثبت و در این ارتباط علیه افراد مشارکت داشته در این جنایات، پروندههای جنایی تشکیل کرده اند.
رییس جمهوری تاجیکستان از کارمندان نهادهای امنیتی و انتظامی، مقامات محلی دولتی و والدین جوانان ساکن ناحیه باختر درخواست کرده است برای جلوگیری از پیوستن این افراد به صفوف گروههای تروریستی در خارج، برنامههای تبلیغاتی مشترک را با استفاده از رسانههای خبری تدوین و اجرا کنند.
رییس جمهوری تاجیکستان روز چهارشنبه برای دیدار با مردم و افتتاح چند طرح بهداشتی و درمانی و آموزشی به ناحیههای باختر و وخش ولایت ختلان سفر کرد.