دیدار امامعلی رحمان با فرماندهان بلند پایه ارتش پاکستان، چین و افغانستان
فرماندهان ستادهای مرکزی نیروهای مسلح پاکستان، چین و افغانستان در سفر به «دوشنبه» با رئیس جمهوری تاجیکستان دیدار کردند
به گزارش رادیو تاجیکی صدای خراسان به نقل از خبرگزاری فارس، «قمر جاوید باجواه» فرمانده ستاد مرکزی نیروهای مسلح پاکستان، «لی زا چن» فرمانده ارتش آزادی بخش چین و «محمد شریف یفتلی» فرمانده ستاد مرکزی نیروی مسلح ارتش افغانستان در سفر به تاجیکستان به طور جداگانه با «امامعلی رحمان» دیدار و گفتوگو کردند.
رییس جمهوری تاجیکستان در دیدار فرمانده ستاد مرکزی نیروهای مسلح پاکستان تاکید کرد: یکی از اهداف تعامل تاجیکستان با همه کشورها از جمله پاکستان کمک و شرکت فعال در تثبیت و تقویت امنیت بین المللی و منطقهای است.
دو طرف در این دیدار از افزایش سطح روابط میان ارتش، سرویس های ویژه و مقامات انتظامی دوشنبه – اسلام آباد ابراز رضایت و کمک های نظامی و فنی پاکستان برای تقویت توانمندی تاجیکستان در مبارزه با تهدیدات منطقه ای را بررسی کردند.
رییس جمهوری تاجیکستان و فرمانده ارتش آزادی بخش چین نیز در نشستی مشترک دورنمای همکاری های امنیتی و نظامی فنی دو کشور را بررسی کردند.
در این ملاقات دو طرف با تاکید بر اهمیت روابط دو و چند جانبه تاجیکستان و چین در مبارزه علیه تروریسم و افراط گرایی درباره همگرایی و همکاری در حل مسایل سیاسی و نظامی افغانستان و تقویت ظرفیت مرزبانی در مرز تاجیکستان و افغانستان گفتگو کردند.
امامعلی رحمان همچنین در دیدار با فرمانده ستاد مرکزی نیروهای مسلح افغانستان تقویت مناسبات با «کابل» را از اولویت های سیاست خارجی تاجیکستان عنوان و تاکید کرد: تاجیکستان همیشه آماده است که همکاری های دو جانبه با افغانستان را توسعه ببخشد.
در این دیدار طرفین با تاکید بر اهمیت ایجاد نظام همکاری چهارجانبه چین، پاکستان، تاجیکستان و افغانستان ابراز اطمینان کردند که عملی شدن این ابتکار عامل مهم تحکیم روند صلح و ثبات در افغانستان خواهد بود.