ریشه کن کردن فساد مالی در تاجیکستان ممکن است؟

یک کارشناس مسایل سیاسی تاجیکستان معتقد است که ریشه کن کردن فساد مالی و رشوه خواری در این کشور طی 10 سال آینده، غیرممکن است.

به گزارش رادیو تاجیکی صدای خراسان به نقل از سایت اسپوتنیک، «مهمان شاه شریف زاده» گفته است، بازداشت کارمندان ادارات و سازمان های دولتی در تاجیکستان طی سال های اخیر به اتهام دریافت رشوه و فساد مالی افزایش یافته است؛ به همین خاطر ریشه کن کردن این پدیده فراگیر در آینده نزدیک، امکان پذیر نیست.

وی معتقد است، به علت ساختار سیاسی فعلی تاجیکستان که برخی از کارمندان ارشد حکومت، منافع گروهی، حزبی و شخصی خود را بالاتر از منافع ملی و دولتی می دانند، از بین بردن فساد مالی و رشوه خواری بسیار دشوار است.

«مهمان شاه شریف زاده» مثال روشن این ادعا را بازداشت و زندانی کردن ده ها کارمند آژانس دولتی مبارزه با فساد مالی تاجیکستان به اتهام دریافت رشوه و کلاهبرداری در سال جاری دانسته است.

 به گفته کارشناس مسایل سیاسی تاجیکستان، این در حالی است که این نهاد خود مسوول مبارزه با فساد مالی و رشوه خواری در تاجیکستان به حساب می آید.

وی معتقد است، فساد مالی و رشوه خواری در وزارتخانه ها و سازمانهای دولتی، نهادهای  قضایی، انتظامی و امنیتی، آموزش و پرورش، کشاورزی و اقتصاد و تجارت فراگیر شده؛ بنابراین ریشه کن کردن این معضل اجتماعی در آینده نزدیک غیرقابل تصور است.