کشته شدن دو جنگجوی تاجیکستانی در درگیریهای شمال افغانستان
مقامات امنیتی افغانستان از کشته شدن 31 عضو گروه طالبان از جمله دو تاجیکستانی در درگیری با نیروهای دولتی در ولایت قندوز در شمال این کشور و در رو به روی مرز مشترک با تاجیکستان خبر داده اند.
به گزارش رادیو تاجیکی صدای خراسان به نقل از سایت اخبار، این مقامات تاکید کرده اند که نیروهای امنیتی افغانستان این افراد را در یک عملیات شبانه در چند روستای ناحیه امام صاحب ولایت قندوز به هلاکت رسانده اند.
این مقامات ازافشای هویت و نام دو شهروند تاجیکستان که دراین عملیات کشته شده اند، خودداری کرده اند.
مقامات امنیتی ولایت قندوز نیز گفته اند که عملیات نیروهای دولتی افغانستان برای آزادی مناطقی از ناحیه امام صاحب در نزدیکی مرز با تاجیکستان از اشغال گروه طالبان از چند روز قبل آغاز شده و سعی می شود که به نیرو و تجهیزات این گروه ضربات سنگین وارد شود.
پیشتر نیز مقامات امنیتی افغانستان از کشته شدن شهروندان تاجیکستانی عضو گروه طالبان در عملیات نیروهای دولتی در ولایتهای شمال این کشور خبر داده بودند اما هیج گاه نام این افراد را اعلام نکرده اند.
این مقامات مدعی اند که در صفوف گروههای تروریستی از جمله طالبان و داعش تعدادی از شهروندان ازبکستان و تاجیکستان حضور دارند که متخصص ساخت بمب و تجهیزات انفجاری هستند.
در همین حال انتشار خبر فعالیت پسران طاهر یولداش و جمعه نمنگانی از موسسان و فرماندهان کشته شده حرکت اسلامی ازبکستان که در سالهای جنگ داخلی تاجیکستان در دهه 1990 مشارکت داشتند مقامات امنیتی کشورهای همسایه افغانستان را در آسیای مرکزی نگران کرده است زیرا این دو بیش از یک سال است که در ولایت جوزجان در شمال افغانستان برای گروه تروریستی داعش دست به جذب نیرو و آموزش جوانان محلی زده اند.
مقامات امنیتی افغانستان میگویند که دو ناحیه در ولایت جوزجان در اشغال گروه تروریستی داعش است.