2 عضو طالبان توسط مرزبانان تاجیک کشته شدند

نیروهای مرزبانی تاجیکستان در درگیری با طالبان در مناطق مرزی این کشور با افغانستان 2 عضو این گروه را کشتند.

به گزارش رادیو تاجیکی به نقل از «آزادگان»، نیروهای مرزبانی تاجیکستان در درگیری با نیروهای طالبان در مناطق مرزی این کشور با افغانستان 2 عضو این گروه را کشتند.

بنا به گفته «محمد اولوغ خواجه‌یف» سخنگوی نیروهای مرزبانی تاجیکستان، ساعت 2 شب گذشته یک گروه 8 الی 9 نفری از قاچاقچیان افغان حین عبور غیرقانونی از منطقه مرزی ناحیه «میر سید علی همدانی» این کشور با مرزبانان تاجیک درگیر شدند.

این منبع افزود: در این درگیری مسلحانه، قاچاقچیان با مقابله شدید مرزبانان تاجیک مواجه شدند که در نتیجه 2 تن از آنها کشته و باقیمانده آنها به سوی افغانستان فرار کردند.

وی در ادامه گفت: مشخص شده است که 2 فرد کشته شده بین 22 تا 25 سال سن داشتند و هر دو از اعضای گروه طالبان بوده‌اند.

سخنگوی نیروهای مرزبانی تاجیکستان  همچنین اظهار داشت: در محل درگیری یک مسلسل، 6 تیربار و 1 نارنجک پیدا شده است.

طی سال گذشته این برای چندمین مرتبه است که بین نیروهای مرزبانی تاجیکستان و قاچاقچیان افغان درگیری به وقوع می‌پیوندد.

کشته شدن 2 عضو گروه طالبان در حالی صورت می‌گیرد که طی روزهای اخیر طالبان در مناطق هم مرز افغانستان با تاجیکستان با نیروهای دولتی کابل در حال درگیری‌های گسترده می‌باشند.