ادعای کشته شدن 15 تاجیک عضو گروه طالبان

فرماندهی لشکر 209 ارتش افغانستان موسوم به " شاهین " از کشته شدن 15 جنگجوی تاجیکستانی عضو گروه طالبان در ولایت بدخشان در شمال این کشور خبر داد.

به گزارش رادیو تاجیکی صدای خراسان به نقل از صفحه فرماندهی لشکر 209 ارتش افغانستان در شبکه فیسبوک، مقام های این واحد نظامی مدعی شده اند، در عملیات اخیر هوایی در ناحیه جرم در ولایت بدخشان، یک قرارگاه نظامی متعلق به جنگجویان تاجیکستانی عضو گروه طالبان هدف قرار گرفت.

به گفته آنان بر اثر این عملیات 15 نفرکشته و تعدادی زخمی شده اند.

گفته می شود، این حمله در چارچوب عملیات گسترده ارتش افغانستان علیه گروه های مسلح مخالف در ولایت های شمالی این کشور انجام شده است.

اما مقام های نیروی مرزبانی تاجیکستان گفته اند، ناجیه جرم ولایت بدخشان دورتر از مرز مشترک افغانستان با تاجیکستان واقع شده و کشته شدن این جنگجویان تاجیکستانی عضو گروه طالبان در دست بررسی است.

به علت وجود تبادل اطلاعات میان نهادهای مرزبانی تاجیکستان و افغانستان این گزارش به فرماندهی نیروی مرزبانی تاجیکستان رسیده و در حال حاضر روند بررسی صحت این خبر آغاز شده است.

مقامات امنیتی افغانستان در بهار سال 2015 نیز از کشته شدن هفت تاجیکستانی عضو گروه طالبان در درگیری با نیروهای دولتی ولایت بدخشان در ناحیه جرم خبر داده بودند.

این در حالی است که قبلا مقام های ولایت بدخشان افغانستان از تجمع تعداد زیادی از جنگجویان خارجی از جمله تاجیکستانی های عضو گروه های تروریستی در قلمرو این منطقه خبر داده بودند.