بازداشت یک ساکن ولایت بدخشان با 100 کیلو حشیش

کارمندان اداره امنیت ملی تاجیکستان در ولایت بدخشان طی عملیاتی یک جوان 28 ساله ساکن ناحیه شغنان را با 100 کیلوگرم حشیش، سه قبضه اسلحه کمری و 175 عدد گلوله بازداشت کردند.

به گزارش رادیو تاجیکی صدای خراسان به نقل از خبرگزاری دولتی خاور، گفته می شود، «شهرت تویباش اف» این مقدار حشیش را از سه همدست افغانستانی خود دریافت کرده بود.

از این سه نفر، یک تن در درگیری با مرزبانان تاجیک کشته و دو تن دیگر به داخل خاک افغانستان متواری شدند.

در بازجویی های اولیه مشخص شد، شهرت تویباش اف از اعضای فعال یک گروه سازمان یافته قاچاق مواد مخدر است که به انتقال مواد از افغانستان به تاجیکستان مشغول بوده است.

مرز مشترک تاجیکستان و افغانستان در ولایت بدخشان، منطقه کوهستانی صعب العبوری است که همواره مورد استفاده گروه های قاچاقچی مواد مخدر برای انتقال انواع این مواد به داخل خاک تاجیکستان و قرقیزستان قرارمی گیرد.

فرماندهی مرزبانی تاجیکستان اعلام کرده است، علاوه بر بازداشت این ساکن ولایت بدخشان طی 24 ساعت اخیر در مرز مشترک این کشور با افغانستان، در سه مورد درگیری با قاچاقچیان هم 60 کیلو انواع مواد مخدرکشف و ضبط شده است.