سفر رییس جمهوری پاکستان و نخست وزیر افغانستان به تاجیکستان

رییس جمهوری پاکستان و نخست وزیر افغانستان برای شرکت در کنفرانس بین‌المللی «آب برای رشد پایدار برای سال های 2028-2018 » به تاجیکستان سفر خواهند کرد.

به گزارش رادیو تاجیکی صدای خراسان به نقل از اسپوتنیک، دفتر مطبوعاتی وزارت خارجه تاجیکستان اعلام کرده است، «ممنون حسین» رییس جمهور پاکستان و عبدالله عبدالله نخست وزیر افغانستان طی یک سفر رسمی به دوشنبه خواهند آمد

انتظار می‌رود در کنفرانس بین‌المللی آب برای رشد پایدار در شهر دوشنبه، حدود 1000 نفر از مقامات و مسوولان ارشد نزدیک به 100 کشور و سازمان بین المللی شرکت کنند.

همچنین در این نشست معاون دبیر کل سازمان ملل، ریاست هیات این سازمان را بر عهده دارد.

کنفرانس بین المللی به مناسبت آغاز دهه بین‌المللی عمل «آب برای رشد پایدار برای سال های 2018-2028» روزهای 20 و 22 ژوئن به میزبانی تاجیکستان در شهر دوشنبه پایتخت این کشور برگزار می‌شود.