حمله جنگنده‌های روسی یا تاجیکستانی به مواضع طالبان
پس از حمله مسلحانه از داخل مرز افغانستان به تاجیکستان، نیروهای طالبان هدف حمله هوایی نیروهای تاجیکستان قرار گرفتند.
به گزارش رادیو تاجیکی صدای خراسان به نقل از اسپوتنیک، خلیل اسیر سخنگوی فرماندهی پلیس ولایت تخار به خبرنگار محلی تلویزیون یک افغانستان گفت که در نتیجه درگیری روز یکشنبه در جنگل مشترک میان افغانستان و تاجیکستان در شهرستان درقد این ولایت، دو تن از مرزبانان تاجیک و شش عضو طالبان کشته شده‌اند.
این در حالی است که بنابر اعلام مقام های تاجیک، کشته شدگان شهروندان غیرنظامی تاجیکستان هستند.
به گفته سخنگوی پلیس ولایت تخار افغانستان ۹عضو طالبان نیز در درگیری روز یکشنبه زخمی شده‌اند.
جواد هجری سخنگوی والی تخار افغانستان نیز گفته است عصر روز یکشنبه مرزبانان تاجیک مناطق مربوط به شهرستان درقد را با سلاح‌های سنگین هدف قرار داده‌اند و صبح امروز هم جنگنده‌های خارجی مواضع طالبان را در جنگل مشترک مرزی هدف قرار داده است.
به گفته مقامات افغانستانی، تاکنون مشخص نیست که جنگنده‌ها متعلق به کشور تاجیکستان هستند یا روسیه.
به گفته مقامات محلی تخار، در منطقه بمباران شده غیرنظامیان حضور ندارند و تنها پایگاه طالبان موجود بوده است.