درگیری طالبان و نظامیان تاجیک در مرز افغانستان تکذیب شد

سخنگوی گروه طالبان، درگیری بین اعضای این گروه با نظامیان تاجیکستان در مرز این کشور با افغانستان را تکذیب کرد.

به گزارش خبرگزاری تسنیم ،«ذبیح‌الله مجاهد» سخنگوی گروه طالبان روز دوشنبه با رد گزارش مقامات افغان و برخی رسانه‌ها از کشته شدن اعضای این گروه در درگیری با نظامیان تاجیکستان در مرز  افغانستان گفت، اعضای طالبان اجازه درگیری با کشورهای همسایه را ندارند.

ذبیح الله مجاهد افزود، درگیری بین قاچاقچیان مواد مخدر و نیروهای مرزی تاجیکستان به وقوع پیوست و در این درگیری قاچاقچیان در یک منطقه جنگلی هدف قرار گرفتند.

پیشتر «خلیل اسیر» سخنگوی پلیس محلی ولایت تخار در شمال افغانستان از بمباران منطقه مرزی این کشور با تاجیکستان از طرف یک فروند جنگنده تاجیکستان یا روسیه خبر داده بود.

وی افزود گفت، این بمباران پس از آن آغاز شد که دو نیروی مرزبانی تاجیک در درگیری با اعضای گروه طالبان کشته شدند.

در این درگیری هشت عضو طالبان کشته و شش نفر دیگر از آنها نیز زخمی شدند.