نشست اعضای کشورهای همسود در دوشنبه
شهریور ۳۰, ۱۳۹۷ ۲۰:۲۷ Asia/Dushanbe
امروز در شهر دوشنبه، پایتخت تاجیکستان نشست کشور های عضو جامعه همسود در امور اشتغال ، مهاجرت و تامین اجتماعی برگزار شد.
به گزارش صدای خراسان به نقل از خاور این نشست در چهارچوب برنامه های ریاست تاجیکستان بر جامعه همسود برگزار شد.
در نشست دوشنبه که تحت ریاست سمن گل تغای آوا، وزیر کار و مهاجرت تاجیکستان جریان داشت، شرکت کنندگان 16 مسئله را در راستای بهبود امور اشتغال و مهاجرت مورد بحث و بررسی قرار دادند.
نشست کشورهای عضو جامعه همسود در امور اشتغال ، مهاجرت و تامین اجتماعی در حالی در دوشنبه برگزار شد که چند روز پیش نیز این شهر میزبان دادستان های کل جامعه همسود بود.
قرار است هفته آینده سران کشور های عضو جامعه همسود نشست خود را در پایتخت تاجیکستان برگزار کنند.