مرز تاجیکستان - افغانستان بسته می شود

در آستانه برگزاری انتخابات پارلمانی در افغانستان حکومت این کشور تصمیم گرفته است مرز مشترک خود را با تاجیکستان به طور موقت ببندد.

به گزارش رادیو تاجیکی صدای خراسان به نقل از سامانه آسیا پلوس، نصرت رحیمی نماینده وزارت کارهای داخلی افغانستان گفت که تصمیم بستن مرزها با هدف "تامین امنیت در روز برگزاری انتخابات" و "جلوگیری از تقلّبکاری" گرفته شده است.

به گفته وی، فردا و همزمان با  روز انتخابات مجلس در افغانستان،  تردد  شهروندان  و خودروها از مرزهای افغانستان  به طور موقت قطع می‌شود.

فهیم کوه دامنی دبیر اوّل سفارت افغانستان در تاجیکستان هم با تایید این خبر  گفت : در تاریخ افغانستان چنین تصمیمی بی‌سابقه  بوده است.

محمّدجان الغ خواجه‌ یف سخنگوی نیروهای مرزبانی تاجیکستان هم با اشاره به  تصمیم دولت افغانستان گفته است گذرگاههای مرزی فقط برای یک روز بسته می شود.

در چند سال اخیر تاجران تاجیک  از قلمرو افغانستان برای جا به جایی محصولات صادراتی و وارداتی استفاده می‌کنند و بسته شدن  یک روزه مرز در فعالیّت تاجران مشکل موقتی ایجاد می‌کند.

انتخابات در افغانستان فردا تحت تدبیرهای شدید امنیتی برگزار می‌شود.