تاجیکستان 80 زندانی افغانی را به کشورشان تحویل می دهد

وزارت امور خارجه افغانستان اعلام کرد، تاجیکستان با تحویل 80 زندانی افغانی به کشورشان موافقت کرده است.

به گزارش رادیو تاجیکی صدای خراسان به نقل از سامانه  وزارت امور خارجه افغانستان، صلاح الدین ربانی وزیرامور خارجه این کشور اعلام  کرد، در دیدار با امامعلی رحمان رییس جمهوری تاجیکستان  در دوشنبه  موافقت وی  برای انتقال  زندالیان افغانی به  کابل به  دست آمده  است.

در بیانیه وزارت امور خارجه  افغانستان تاکید  شده  است که  در دیدار صلاح الدین ربانی با امامعلی رحمان درحاشیه همایش همکاری بین ‌المللی و منطقه ای مبارزه با گروههای تروریستی، منابع مالی این سازمانها ، قاچاق مواد مخدر و جنایات سازمان یافته در شهر دوشنبه،  طرف  افغانستانی درخواست  انتقال این 80 زندانی به کابل  را مطرح  کرده که  با موافقت رییس جمهوری  تاجیکستان رو به رو شده است.

گفته  می شود اکثراین افراد به اتهام  قاچاق مواد مخدرو عبورغیرقانونی مرز  تاجیکستان بازداشت و به زندان محکوم  شده  اند.

تاجیکستان و افغانستان دارای 1 هزار و 380 کیلومتر مرز مشترک  هستند که  گروههای قاچاقچیان  مواد مخدر از این  مسیر برای انتقال  مواد  به  داخل کشورهای آسیای مرکزی و روسیه استفاده  می کنند.