آزادی اتباع تاجیک از زندان طالبان در ولایت فاریاب
مقامات امنیتی افغانستان می گویند طی عملیاتی از زندان گروه طالبان در ولایت فاریاب در شمال این کشور 8 تبعه خارجی از جمله 3 شهروند تاجیکستان را که عضو گروه داعش بودند، آزاد کرده اند.
به گزارش رادیو تاجیکی صدای خراسان به نقل از سایت تاپ تی جی، به ادعای این مقامات چهار ازبک، سه تاجیک و یک قرقیز شامل این گروه می شوند.
مقامات افغانستان از آزادی 83 نفراز زندان گروه طالبان درولایت فاریاب خبر داده اند که 8 نفراز این افراد اتباع کشورهای آسیای مرکزی هستند.
اما منابع سفارت تاجیکستان در افغانستان گفته اند فعلا دراین مورد اطلاعی ندارند و در صورت دریافت خبر رسمی از مقامات دولت افغانستان برای بازگردادن شهروندان تاجیک به کشورشان تلاش خواهند کرد.
هرچند که این افراد می توانند شهروندان تاجیکستان باشند اما قبلا بارها مشاهده شده است که افراد زیادی ادعای تابعیت تاجیکستان را می کردند که بعدا معلوم شد همگی افغانستانی بوده اند.
محمد یعقوب دروازی نماینده نیروهای امنیتی افغانستان گفته است این زندان گروه طالبان در روستای شاهی از توابع فرمانداری قیصر ولایت فاریاب واقع شده بود.
درباره تعداد دقیق اتباع تاجیکستان که اعضای گروههای طالبان و داعش درقلمرو افغانستان می باشند، اطلاع رسمی وجود ندارد.
این درحالی است که مقامات تاجیکستان، افغانستان و روسیه همواره از انتقال اعضای گروه تروریستی داعش از سوریه و عراق به شمال افغانستان ابراز نگرانی می کنند که می تواند امنیت کشورهای آسیای مرکزی را مورد تهدید قرار دهد. اما تا به حال این گروه از از شمال افغانستان هیچ عملیات نظامی علیه کشورهای آسیای مرکزی انجام نداده است.
