کشته شدن 3 مرزبان افغانستانی در نزدیکی مرز تاجیکستان

مقامات مرزبانی افغانستان از کشته شدن 3 نیروی مرزبانی این کشور در پی حمله افراد وابسته به گروه طالبان به پاسگاه مرزی فرمانداری چاه آب در ولایت تخار در نزدیکی مرز تاجیکستان خبر دادند.

به گزارش رادیو تاجیکی صدای  خراسان به  نقل ازخبرگزاری شین هوا، عبدالخلیل اسیر نماینده پلیس ولایت تخار با  تایید این درگیری گفته است نیروهای امنیتی این منطقه برای نابود کردن گروه مهاجم  به عملیات  تلافی جویانه دست زدند.

 وی تاکید کرده است درپی درگیری دیگر در شمال شهر طالقان  مرکز این ولایت با گروه  طالبان 5 اعضای این گروه و 3 مرزبان  زخمی شده اند.

گفته می شود یکی از فرماندهان گروه طالبان به اسم  خان محمد در فرمانداری ایشکمیش به  حمله به مرکز این فرمانداری اقدام کرده بود که با مقاومت نیروهای امنیتی رو به رو شد.

این در حالی است که روز  26 اوت سال 2018  یک گروه 12 نفری  مسلح  ناشناس از داخل افغانستان  در نزدیکی پاسگاه  مرزی همدانی تاجیکستان با  عبور از مرز، خودروی حامل 3 محیط بان  تاجیک را مورد حمله  قرار دادند که دراین حادثه  دو محیط بان تاجیک کشته شدند و نفر سوم موفق به فرار شد.

 گروههای مسلح  تروریستی و قاچاقچیان  مواد مخدر با استفاده از مناطق کوهستانی مرزمشترک افغانستان و تاجیکستان تلاش می کنند که وارد قلمرو تاجیکستان شوند.