طالبان دوباره به مرز تاجیکستان نزدیک شدند
نیروهای گروه افراطی طالبان با اشغال منطقه ینگی قلعه ولایت تخار دوباره به مرز افغانستان با تاجیکستان نزدیک شدند.
به گزارش صدای خراسان به نقل از منابع رسمی افغانستان، شبه نظامیان این گروه شام سه شنبه منطقه ینگی قلعه را در نزدیکی مرز با تاجیکستان اشغال کردند و برای چندمین بار طی هفته های اخیر موجب تنش در مرز مشترک دو کشور شدند.
محمد جواد حیدری، سخنگوی والی تخار اشغال ینگی قلعه به دست طالبان را تایید کرد اما در عین حال ابراز امیدواری نمود که با اعزام نیروهای بیشتر دولتی به این منطقه، اوضاع تغییر کند.
پیش از این طالبان مناطق دیگری از استان های هم جوار تاجیکستان با افغانستان مانند بدخشان، تخار و قندوز را تصرف کردند اما بعد از سوی نیروهای دولتی افغانستان رانده شدند.
مقامات تاجیکستان تا به حال درباره نزدیک شدن طالبان به مرز این کشور توضیحی نداده اند اما در گذشته نسبت به این گونه تحرکات در شمال افغانستان ابراز نگرانی کرده بودند.
تاجیکستان با افغانستان حدود 1400 کیلومتر مرز مشترک دارد.
