آزادی منطقه هم مرز با تاجیکستان از تصرف طالبان

وزارت دفاع افغانستان، از آزادی منطقه ینگی قلعه از تصرف طالبان خبر داد.

به گزارش صدای خراسان ، این نهاد حکومتی افغانستان در صفحه خود در توییتر اعلام کرد، با عملیات ویژه نیروهای  امنیتی، شهرستان ینگی قلعه که هم مرز با تاجیکستان است، به طور کامل از تصرف طالبان خارج شد.

در همین حال نمایندگان حکومت محلی در گزارش به شبکه تلوزیونی طلوع از کشته شدن 28 نفر از اعضای طالبان در درگیری با نیرو های دولتی افغانستان خبر داده اند.

طی ماه های اخیر شبه نظامیان طالبان چندین منطقه در استان های تخار، بدخشان و قندوز افغانستان را تصرف کرده بودند  که بعدتر از آن مناطق رانده شدند. این استان ها در شمال افغانستان با  تاجیکستان مرز مشترک دارند.

این در حالی است که به گفته مقامات تاجیکستانی و افغانستانی، شماری از اعضای طالبان و نیز گروه تکفیری-تروریستی داعش در شمال افغانستان را شهروندان آسیای میانه از جمله تاجیکستان تشکیل می دهند.