شلیک گلوله از افغانستان به دو روستای تاجیکستان

بر اثر درگیری میان نیروهای حکومتی و گروه طالبان در افغانستان چند گلوله به دو روستای تاجیکستان در ناحیه درواز ولایت بدخشان اصابت کرده است.

 به گزارش رادیو تاجیکی صدای خراسان به نقل از سامانه تاپ تی جی، در پی این حادثه چند گلوله به خانه های دو ساکن روستای روزوی و زنگ راغ و پنجره  مدرسه این منطقه اصابت کرده ولی به ساکنان آسیب نرسده است.

ساکنان این روستاهای تاجیکستان می گویند که درگیری اخیر در آن سوی مرز دو روز ادامه داشته است.

اما سید برهان عبدالرحمان زاده رییس ناحیه درواز تاجیکستان معتقد است که اصابت این گلوله ها به روستاهای این منطقه عمدی نبوده است و درگیری میان ارتش دولت افغانستان و گروه طالبان حادثه ای عادی است و مردم به این حوادث عادت کرده اند.

 گفته می شود که نزدیک به 200 کیلومتر از مرز افغانستان که در جوار ولایت بدخشان تاجیکستان واقع شده، در کنترل طالبان است و تنها رودخانه آمو این دو کشور را از یکدیگر جدا می کند.

تاجیکستان وافغانستان نزدیک به هزار و400 کیلومتر مرز مشترک دارند که نظارت بر آن به دلیل کوهستانی بودن منطقه با مشکلات زیادی رو به رو است.