تجمع دوباره ساکنان ناحیه روشان ولایت بدخشان

تعدادی از ساکنان ناحیه روشان ولایت بدخشان پس از حل نشدن مشکلشان با کمیته دولتی امنیت ملی تاجیکستان دوباره تجمع اعتراضی برگزار کردند.

به گزارش رادیو تاجیکی صدای خراسان به نقل از سامانه تاپ تی جی، این افراد گفته اند که مذاکرات قبلی با ماموران کمیته دولتی امنیت ملی تاجیکستان و وعده یادگار فیض‌اف رییس ولایت بدخشان برای حل اختلاف ساکنان ناحیه روشان به جایی نرسیده است.

مقامات امنیتی منطقه معتقدند چند ساکن ناحیه روشان که هنگام بازداشت تعدادی از اعضای گروه‌های مخالف سابق حکومت مانع‌تراشی کرده و رییس اداره امنیت ملی این منطقه را زخمی کرده اند باید خود را تسلیم کنند.

اما ساکنان ناحیه روشان می‌گویند که یادگار غلام حیدراف و تعدادی از اعضای گروه‌های مخالف سابق حکومت جرمی مرتکب نشده‌اند که بازداشت شوند.

مقامات امنیتی تهدید کرده اند که در صورت خودداری ساکنان از تسلیم افراد گمانبر به مانع تراشی هنگام عملیات نیروهای امنیتی، برای بازداشت اعضای گروه‌های مخالف سابق حکومت علیه 109 نفر پرونده جنایی تشکیل خواهند کرد.