دیدار رئیس کمیته امنیت ملی تاجیکستان با وزیر دفاع افغانستان

رئیس کمیته امنیت ملی تاجیکستان و وزیر دفاع افغانستان دیدار و در خصوص همکاری های میان دو کشور گفت‌وگو کردند.

به گزارش رادیو تاجیکی صدای خراسان به نقل از فارس،«سید مومن یتیم اف» رئیس کمیته امنیت ملی تاجیکستان با «اسدالله خالد» وزیر دفاع افغانستان در «کابل» ملاقات کرد.

بر اساس اطلاعیه مرکز مطبوعاتی وزارت دفاع افغانستان، طرفین طی این دیدار همکاری‌های مرزی، مبارزه با تروریسم و روند صلح افغانستان را مورد بحث و بررسی قرار دادند.

وزیر دفاع افغانستان طی این دیدار از طرف تاجیک برای همکاری با این کشور در زمینه‌های مختلف ابراز تشکر کرد و خواستار همکاری های گسترده بین «کابل» و «دوشنبه» شد.