حمایت تاجیکستان از مذاکرات صلح افغانستان
رییس کمیته دولتی امنیت ملی تاجیکستان در دیدار با رییس شورای عالی مصالحه ملی افغانستان بر حمایت دوشنبه از مذاکرات صلح گروه های افغان تاکید کرد.
به گزارش رادیو تاجیکی صدای خراسان به نقل از خبرگزاری آناتولی،"سید مومن یتیم اف" رییس کمیته دولتى امنیت ملی تاجیکستان در دیدار با عبدالله عبدالله رییس شورای عالی مصالحه ملی افغانستان در کابل گفت: "تاجیکستان، امنیت افغانستان را امنیت خود می داند و معتقد است موفقیت روند صلح در این کشور ضامن امنیت و صلح در منطقه است".
در این دیدار عبدالله نیز با ابزار امیدواری نسبت به مذاکرات پیش روی دولت افغانستان و طالبان گفت: تلاش می‌کنیم این مذاکرات به پایان جنگ چهل ساله و آشتی ملی در افغانستان منجر شود.
مذاکرات بین دولت افغانستان و گروه طالبان به منظور پایان جنگ و درگیری در این کشور قرار است امروز در قطر آغاز شود.
«عبدالله عبدالله» به همراه «محمد حنیف اتمر» سرپرست وزارت امور خارجه و اعضای گروهی 21 نفره به عنوان نماینده دولت افغانستان در این مذاکرات حضور خواهند داشت.
هیاتی از طالبان هم به همین منظور به دوحه قطر سفر کرده است.
