سرپرست وزارت خارجه افغانستان وارد دوشنبه شد
سرپرست وزارت امور خارجه افغانستان نخستین بار در این سمت به منظور دیدار و گفت وگو با مقامات تاجیکستان صبح امروز 17 سپتامبر وارد دوشنبه شد.
به گزارش رادیو تاجیکی صدای خراسان به نقل از سامانه اسپوتنیک، منابع سفارت افغانستان در دوشنبه گفته‌اند که سفر حنیف اتمر و هیأت همراه وی به تاجیکستان دو روزه خواهد بود و به دعوت رسمی طرف تاجیکستان انجام می شود.
قرار است حنیف اتمر سرپرست وزارت امور خارجه افغانستان در این سفر با امام‌علی رحمان رییس جمهوری، قاهر رسول زاده نخست وزیر، سراج الدین مهرالدین وزیر امور خارجه و سید مومن یتیم‌اف رییس کمیته دولتی امتیت ملی تاجیکستان دیدار و گفت وگو کند.
در این دیدارها درباره گسترش همکاری‌های دوجانبه، در بخش‌های اقتصادی و تجاری، آب و انرژِی، حمل و نقل و ترانزیت، امنیت در مرزهای مشترک، مقابله با تحرکات گروه‌های تروریستی و قاچاقچیان مواد مخدر بحث و تبادل نظر شود.
