دیدارهای عبدالله عبدالله در تاجیکستان

رییس شورای عالی مصالحه ملی افغانستان به منظور جلب همکاری ها و  اجماع ملی برای صلح صبح امروز 21 دسامبر وارد دوشنبه پایتخت تاجیکستان شد.

به گزارش رادیو تاجیکی صدای خراسان به نقل از خبرگزاری آوا، فریدون خوزون سخنگوی شورای عالی مصالحه ملی افغانستان گفت عبدالله عبدالله قرار است در این سفر با برخی از مقامات تاجیکستان از جمله امامعلی رحمان رییس جمهور، قاهر رسول زاده نخست وزیر، سراج الدین مهرالدین وزیر امور خارجه و محمدطاهر ذاکرزاده و رستم امامعلی رییسان مجلس‌های ملی و نمایندگان  دیدار کند.

در این دیدارها درباره تقویت همکاری های تاجیکستان وافغانستان در بخش های اقتصادی و تجاری، انرژی، امنیتی، حضور اتباع تاجیک در ترکیب گروه های تروریستی در افغانستان و حمایت دوشنبه از موضع دولت کابل در روند برقراری صلح در این کشور بحث و تبادل نظر خواهد شد.

عبدالله عبدالله پیش از این به منظور رایزنی با کشورهای منطقه درباره صلح افغانستان به کشورهای ایران، پاکستان، ترکیه و هند سفر کرده بود.

مقامات دوشنبه امیدوارند که سفر عبدالله عبدالله به تاجیکستان زمینه گسترش همکاری های دوجانبه را فراهم سازد.

قرار است دور دوم مذاکرات صلح بین افغانی از 5 ژانویه 2021 از سر گرفته شود.

بیشتر بخوانید:

• سفر عبدالله عبدالله به تهران

• رد بازگشت "نظام امارت طالبان" به افغانستان از طرف « عبدالله عبدالله »

• استقرار گروههای تروریستی در مرز افغانستان و تاجیکستان