دیدار عبدالله عبدالله با رییس مجلس نمایندگان تاجیکستان در دوشنبه

رییس مجلس نمایندگان تاجیکستان در دیدار با «عبدالله عبدالله» رییس شورای مصالحۀ ملی افغانستان در دوشنبه حمایت کشورش را از تلاش‌های صلح در افغانستان اعلام کرد.

به گزارش رادیو تاجیکی صدای خراسان به نقل از  خبرگزاری فارس، «محمدطاهر ذاکرزاده» در دیدار با عبدالله عبدالله افزود:صلح و ثبات در افغانستان به نفع صلح، ثبات، ترقی و توسعه در منطقه است و امیدواریم تلاش‌های صلح در این زمینه به نتیجه‌ ای مطلوب برسد.

وی تاکید کرد که  تاجیکستان تجربه‌ خوبی در ختم جنگ داخلی و دست‌یافتن به صلح و رفاه دارد و می‌تواند افغانستان را در این زمینه کمک کند.

عبدالله نیز  در این دیدار با سپاسگزاری از حمایت‌های رییس جمهوری و مردم تاجیکستان از تلاش‌های صلح و مردم افغانستان، روابط میان دو کشور را استوار بر ارزش‌های دیرینه تاریخی- فرهنگی خواند.

در این ملاقات در مورد تلاش‌های صلح، مذاکره با طالبان، نقش کشورهای منطقه در تأمین صلح،‌ سفرهای منطقه‌ای برای کسب اجماع  در حمایت از صلح و نقش تاجیکستان در تأمین صلح افغانستان به تفصیل بحث و تبادل نظر صورت گرفت.

صبح روز  دوشنبه عبدالله عبدالله  رییس شورای عالی مصالحه‌  ملی افغانستان در ادامه‌ سفرهای منطقه‌ای خود  وارد تاجیکستان شد.

بیشتر بخوانید:

• دیدارهای عبدالله عبدالله در تاجیکستان